என்ற ஒரு காயை 20 ஆண்டுகளுக்குமுன் நான் பார்த்ததில்லை.
கலியில் இது கடைகளிலும் கிடைக்கும், வீட்டுத் தோட்டத்திலும் வளர்க்க முடியும்.
இதைப் பற்றிய விவரம் இங்கே பார்க்கலாம்: http://en.wikipedia.org/wiki/Artichoke
சத்து நிறைந்த இந்தக் காய் விலை கூடுதலாக இருந்தாலும் ஒருமுறையாவது வாங்கிச் சமைத்துச் சுவைத்துவிடவேண்டும்!
உயர்தர உணவகங்களில் இதை ஒரு "அரும்பொருளாக"ச் சமைத்துப் பரிமாறுவதும் விற்பதும் உண்டு -- வறுவலாக, பொறியலாக, ஊறுகாயாக
++++++++++++++++++++++++++++++++
வீட்டில், எளிமையான முறையில், ஆர்ட்டிச்சோக் வேகவைத்துச் சுவைக்கும் முறை:
1. நல்லா குண்டு குண்டு-னு இருக்கிற காய் வாங்குங்க.
2. நுனிப்பகுதியை நறுக்கி எடுத்திடுங்க ...
3. ஒரு பெரிய சட்டிலெ நெறயத் தண்ணிவிட்டு, நறுக்கின காய்ப்பகுதிகளெப் போட்டு, ஒரு துணியையும் காய்க்குமேலெ மூடினமாதிரிப் போட்டு, வேகவச்சு எடுங்க. துணி போட்டு மூடுறது எதுக்கு-னா ... காய் வேகும்போது மிதந்து ஒரு பகுதி வேகாமப் போகாம சரியா வேகத்தான்.
4. அப்புறம்? வெளிப்புறத்திலெருந்து ... ஒவ்வொரு இதழ் இதழா ... பிரிச்சு எடுத்து ... நம்ம ஊர் முருங்கக்காயெச் சப்பி உறிஞ்சிச் சாப்பிடுவோமில்லெ ... அந்த மாதிரி ... பல்லாலே உருவி உள்ளெ இருக்கிறெ சத்தெ எடுத்துச் சுவைக்கணும்! :-) காம்பு/தண்டுப் பகுதி ரொம்ப நல்லாவே இருக்கும்!
மீதிச் சக்கை இப்பிடி ... மிஞ்சும்! இது தோட்டத்து உரக்குப்பைக்குப் போகும்.
5. அது மட்டுமில்லெ ... . மதுரெக் கோயிலுக்குப் போறவங்க மொதல்லெ ஆடிவீதி சுத்திட்டு, அப்புறம் உள்ளெ போயி ... கருவறைக்குள்ள நிக்கிற மீனாட்சியெப் பாத்துக் கும்பிட மாதிரியே செய்யோணும்.
வெளிலெ சுத்தி இருக்கிற இதழ் எல்லாத்தெயும் கழட்டிட்டு (== அதாவது சவைத்துத் சுவைத்ததுக்கு அப்புறம்) உள்ளெ போகும்போது கொஞ்சம் நிதானமாப் போகணும். ஏன்னா ... உள்ளுக்கும் உள்ளெ இருக்கிற சத்தெச் சுத்தி பஞ்சுபோல, ஆனா, முள் இருக்கும். அந்த முள்ளெ எடுத்திட்டா ... உள்ளெ இருக்ற சத்தைச் சுவைக்கலாம்! :-)
உட்புறச் சத்தைச் சுற்றி முள் இருக்கும் பகுதிகள், இரண்டு காய்களிலிருந்து ...
முள் பகுதியை ... அப்படியே லாவகமா ... எடுத்திட்டா ... உள் சத்து தனியே கழண்டு வந்திடும்!
ஒப்புமைக்குப் பாருங்க ...
மேல் படத்தில் ... இடது பக்கம் இருப்பது உள் சத்து. வலது புறம் இருப்பது முள்.
6. சத்தான சத்தல்லவோ ...
குறிப்பு: இதில் உப்பு, உறைப்பு எதுவும் சேர்க்காமல் சுவைப்பதே எனக்குப் பிடிக்கும். அப்படியானால்தான் இதன் முழு antioxidant பயனையும் பெறலாம். உயர்தர உணவகங்களிலும் கடைகளிலும் கிடைக்கும் ஆர்ட்டிச்சோக் ... வேண்டுமானால் ... ஒரு மாலைப்பொழுது, ஒரு expensive date-உடன் தரலாம்; ஆனால் ... அதன் அடிப்படைச் சுவையும் பயனும் காணாமல் போய்விடும்! :-)
அன்பின் அம்மா,
ReplyDeleteஒரு புதுமையான காயை அறிமுகப்படுத்தியதற்கு நன்றி. நான் அங்கு வந்தபொழுது கடைகளில் பார்த்தேன் என்றாலும், அதை எப்படிச் செய்வது உள்ளே எப்படி இருக்கும் என்பதெல்லாம் தெரியாது. மிக அழகாக நேரில் பார்ப்பது போல , சுவைக்க வேண்டுமென்ற ஆவலைத் தூண்டும் வகையில் புகைப்படமும் எடுத்து கலக்கி விட்டீர்கள் அம்மா.... நன்றி.
முற்றிலும் புதியதொரு காய்வகை. இப்போது தான் உயர் ரத்த அழுத்தத்துக்கான ஐந்து காய், கனிகளில் இதையும் ஒன்றாகக் குறிப்பிட்டிருந்த ஒரு கட்டுரையைப்படித்துவிட்டு வந்தேன். இதை இங்கே பார்த்திருந்தாலும் வாங்கிச் சமைத்தது இல்லை. மற்றக் காய்,கனிகளில் வாழைப்பழம், பீட்ரூட், கோக்கோ, பூண்டு ஆகியன. இதில் பூண்டு அதிகம் சேர்த்தால் அசிடிடி வருகிறது. மற்றவை உண்பதுண்டு. ஆர்ட்டிசோக்கையும் முயன்று பார்க்கலாம்.
ReplyDeleteஹலோ,
ReplyDeleteஆர்டிச்சோக்கை vinaigrette dressing- உடனும் சாப்பிடலாம். (ஆலிவ் எண்ணைய், எலுமிச்சை சாறு அல்லது வினிகர் கலவையுடன்)
அன்புடன்,
பாபு கோதண்டராமன்